schoolsthatrock
Moderne Pentathlon. Hoërskool Outeniqua, George, is met reg ongelooflik trots op Marco Erasmus. Hy is ’n uitstaande jong atleet wat oppad is na Internasionale glorie in Moderne Pentathlon. Marco is gekies om Suid-Afrika te verteenwoordig by beide die Wêreld- én Afrika-kampioenskappe vir Moderne Pentathlon. Hierdie Internasionale sportgeleentheid vind plaas in Egipte van 7 tot 14 Julie 2025. Dit beloof om ’n hoogtepunt op die sportkalender te wees.
Wat is Moderne Pentathlon?
Moderne Pentathlon is ’n veelsydige Olimpiese sport. Dit bestaan uit vyf uiteenlopende dissiplines wat die fisieke en geestelike uithouvermoë van ’n atleet toets. Hierdie vyf komponente is:
- Swem (200m vryslag),
- Heining (een-aan-een gevegte met ’n épée),
- Skiet (met ’n lasergeweer op teikens),
- Hardloop (’n 3km baan),
- en die nuutste toevoeging: hindernisren (’n dinamiese kursus wat die tradisionele perdekomponent vervang het).
Hierdie sport is oorspronklik ontwerp om die vaardighede van ’n ideale soldaat te weerspieël. Iemand wat moet kan veg, swem, hardloop, skiet en ’n perd ry om terug te keer na sy eenheid. Vandag is dit ’n opwindende, vinnige kompetisie wat alles op een dag plaasvind. Atlete word dwing om hul vaardighede vinnig aan te pas tussen die verskillende dissiplines.
Marco se insluiting in die nasionale span is die vrug van jare se harde werk. Sy deursettingsvermoë en onwrikbare toewyding aan die sport getuig daarvan. Moderne Pentathlon is ’n veeleisende vyfkamp. Dit bestaan uit swem, hardloop, skiet, heining en die nuut-ingestelde hindernisbaan,’n dinamiese vervanging vir die tradisionele perdekomponent. Hierdie nuwe formaat het reeds wêreldwyd aandag getrek vir sy opwindende aard en groter toeganklikheid vir jong atlete.
Egipte as Gasheerland
Egipte as gasheerland is geen vreemdeling vir pentathlon nie. Die land het onlangs internasionale lof ontvang vir hul uitstekende aanbieding van die UIPM Wêreldbeker-reeks. Hul eie ster-atleet, Farida Khalil, het wêreldrekords laat spat op slegs 14-jarige ouderdom. Dit is dus ’n besonderse voorreg vir Marco om op dieselfde verhoog te kompeteer.
Marco se deelname is nie net ’n persoonlike mylpaal nie. Dit is ook ’n inspirasie vir sy skool, gemeenskap en jong sportlui regoor die land. Sy prestasie wys dat met vasberadenheid en passie, selfs die mees uitdagende drome binne bereik is.
Die hele Outeniqua-familie wens Marco alle sterkte toe vir hierdie opwindende avontuur. Kwaggas weet hy sal met trots, passie en sportmangees Suid-Afrika se vlag hoog laat wapper!
Meer skolenuus: https://schoolsthatrock.co.za/
Foto voorsien
Become a Sponsor
