Reza de Wet-tienertoneelfees- Hoërskool Eldoraigne bied wenproduksie

OMS Toneelfees. Die Hoërskool Eldoraigne, Centurion, is Maandag as die wenproduksie op die ATKV Reza de Wet-tienertoneelfees aangewys.

Die 15de ATKV Reza de Wet-tienertoneelfees, met ’n rekordaantal 13 skole en bykans 200 leerders, het vir toneel uit die boonste rakke gesorg. Leerders het ook die geleentheid gekry om ’n kleedrepetisie van die produksie “Wag vir Godot” te kyk wat vandeesweek vir ’n 1ste keer in Afrikaans op die Vrystaat Kunstefees opgevoer word.

Hoërskool Eldoraigne, wat die eerste keer sedert 2019 hier op die planke was, se opvoering “Kou my vingers tot op die been” is deur Armand Rossouw geskryf en geregisseer.

Die ander toekennings:

Beste esemble: “Sterrejag” (Helpmekaar Kollege)
Beste tegniese versorging: “Wat wolke weeg” (Hoërskool Hugenote)
Beste speler: Marioné Muller (Hoërskool Hugenote)
Beste nuutgeskrewe teks: “Sterrejag” (Helpmekaar Kollege) geskryf deur Philip Rademeyer