schoolsthatrock
Internasionale Atletiek. Twee Oranje-sterre oppad na Afrika vir internasionale atletiek!
Hoër Meisieskool Oranje in Bloemfontein het weereens hul staal bewys met twee topatlete wat die Suid-Afrikaanse vlag hoog gaan hou.
Intussen gaan Cara Smith en Rumé Burger aan die Afrika o.18- en o.20-atletiekkampioenskappe in Nigerië deelneem, wat vanaf 16 Julie plaasvind.
Wat Cara betref, is sy een van dié uitblinkers, en haar atletiekloopbaan bou steeds momentum.
Cara Smith, ‘n oud-leerder van die matriekklas van 2024, is gekies vir die SA o.20-span. Sy gaan haar talente in die uitdagende heptathlon (sewekamp) wys. Cara is nie sommer net ‘n deelnemer nie, sy is die huidige SA o.20-kampioen in dié veeleisende item. Dit bestaan uit horde, hoogspring, spiesgooi en 800 meter. Daarby het sy in 2022 ‘n goue medalje in Zambië verower by dieselfde kampioenskap. Dit was in die o.18-afdeling. Boonop keer sy hierdie jaar terug met groter ambisies en ’n stewige kans op nog ’n podiumplek.
Rumé Burger. Intussen is Rumé Burger een van die land se vinnigste jong sprinters wat gereeld op podiums verskyn. Sy is die nasionale kampioen oor 200 meter. Nie net een nie, maar drie afdelings: o.17, o.18 én selfs die seniorafdeling. Met só ‘n indrukwekkende rekord is dit geen verrassing dat sy vir die SA o.18-span gekies is nie. Rumé gaan meeding in haar kragitem, die 200 meter. Teen haar spoed is dit beslis nie ondenkbaar dat sy die Nigeriese baan aan die brand sal hardloop nie.
Ten slotte is hierdie twee ster-atlete nie net ‘n trots vir Oranje nie, maar ook vir die hele Suid-Afrika. Hul toewyding, uithouvermoë en sportiewe gees is inspirerend en ’n teken dat die volgende generasie kampioene reeds besig is om hul plek op internasionale vlak in te neem.
Meer skolenuus: https://schoolsthatrock.co.za/
Foto’s voorsien
Become a Sponsor
