schoolsthatrock
Skole Netbal – Die afgelope naweek het Hoërskool Nelspruit Netbal B spanne kragmetings in Middelburg gehad. Drie spanne het die finaal gehaal en silwermedaljes verwerf.
Nellies se spanne het uitstekend gevaar en was mededingend teen ander skole. Drie Netbal B-spanne o.14B, o.15B, en o.16B het die finaal gehaal en met silwermedaljes geëindig, wat ‘n baie sterk prestasie is. Dit toon hul konsekwente spel en deursettingsvermoë.
Secunda het goed presteer en was ‘n strawwe teenstander in die finaal vir verskeie van Nelspruit se spanne. Middelburg en HTS Middelburg het ook sterk vertonings gelewer en uitdagende wedstryde gespeel.
Alhoewel Nellies nie die eerste plek behaal het nie, het hul spanne steeds ‘n indrukwekkende seisoen voltooi en gewys dat hulle met die bestes kan meeding. Die spelers en afrigters kan trots wees op hul harde werk!
Die o.14B-span het sterk gespeel en die finale nouliks teen Secunda verloor met 13-16.
o.14B se uitslae was:
- Wen teen Generaal Hertzog 19-14
- Verloor teen Mashishing 8-13
- Wen teen Pine 13-3
- Wen Kwart Finale teen Ligbron 17-0
- Wen Semi-finale teen HS Rob Ferreira 22-3
- Verloor Finale teen Secunda 13-1
Netso het die o.15B-span ook goed gevaar, maar kon nie Middelburg in die eindstryd klop nie.
o.15B se uitslae was as volg:
- Wen teen Generaal Hertzog 19-5
- Wen Kwart Finale teen HS Ermelo 14-3
- Wen Semi Finale teen HTS Middelburg 11-9
- Verloor Finale teen Middelburg 3-10
Nellies se netbal o.16B-span het vyf seges behaal voordat hulle die laaste wedstryd teen Secunda verloor het.
Uitslae van o.16B
- Wen teen Phapalani 18-2
- Wen teen Mashishing 11-9
- Wen teen Generaal Hertzog 18-3
- Wen Kwart Finale Ligbron 7-3
- Wen Semi Finale HTS Middelburg 10-2
- Verloor Finale Secunda 8-4
Tweede Netbalspan se uitslae:
- Verloor teen HTS Witbank 9-7
- Verloor Kwart Finale teen Middelburg 13-7
- Wen Semi Finale teen Hoogenhout 9-4
- Wen Finale teen Secunda 11-7
Hulle behaal vyfde posisie.
Al die spanne se vasberadenheid en harde werk het verseker dat hulle sterk vertonings gelewer het.
Wat ʼn merkwaardige manier om die seisoen af te sluit!
Meer skolenuus: https://schoolsthatrock.co.za/
Foto’s voorsien
Become a Sponsor
