Skolekrieket - Gimmies skitter met die kolf

Skolekrieket. Potchefstroom Gimnasium se krieketspanne het hul Gimmie-guts gewys en ‘n indrukwekkende vakansie vol aksie en toere beleef. Verskeie ouderdomsgroepe het kragte gemeet met skole van regoor die land en uitstekende uitslae behaal—’n ware bewys van Gimmie-trots en toewyding.

🔷 O.15B-span het drie wedstryde gespeel en hul vasberadenheid beloon toe hulle Benoni oortuigend met sewe paaltjies verslaan.

🔷 Tweedespan het aan ‘n uitdagende toer deelgeneem teen Monument, Kemptonpark, Montana en Benoni. Die span het hul karakter gewys deur Kemptonpark met sewe paaltjies te klop. ’n Speler om dop te hou is Louis van Niekerk, wat twee halfeeue aangeteken het!

🔷 o.15A-span het aan die Uplands-toer deelgeneem en puik vertonings gelewer. Onder die prestasies tel ‘n oorwinning van 132 lopies teen Centurion, sowel as oorwinnings teen Menlopark en Kemptonpark. ’n Paar sterre het besonder uitgeblink:

Bernard Judels met ’n honderdtal,
Wico Cato met twee halfeeue.

🔷 Eerstespan het in die NWU-reeks naam gemaak met oorwinnings teen Hoërskool Middelburg, Kemptonpark, Heidelberg Volkskool en die Ikageng-uitnodigingspan. Die oorwinning teen Ikageng was besonder indrukwekkend met 185 lopies. Alhoewel die seuns met sewe paaltjies teen Zwartkop vasgeval het, het hulle met toewyding en spanwerk gewys waartoe Gimmies in staat is.

🌟 Die uitslae spreek boekdele van die seuns se harde werk, goeie sportmanskap en die gees van Potchefstroom Gimnasium. Julle laat ons trots wees, manne!