schoolsthatrock
Nasionale Kwalifiserende Rondte Dans. Hoërskool Piet Retief vier Zané Potgieter se dans-sukses.
Hoërskool Piet Retief is uitermate trots om Zané Potgieter se merkwaardige prestasies in dans te vier. Op 21 en 22 Mei het Zané deelgeneem aan die Nasionale Kwalifiserende Rondte Dans, waar haar harde werk, fokus en toewyding duidelik sigbaar was.
Sy het nie net daarin geslaag om haar Distrik-kleure te verwerf nie, maar het ook vir die Nasionale-vlak kompetisie gekwalifiseer — ‘n indrukwekkende mylpaal vir enige danser. Haar uitsonderlike prestasie van 9.15 in die Vlak 5-afdeling het haar ’n welverdiende derde plek besorg.
Om vir die Nasionale Rondtes te kwalifiseer is ’n besonderse prestasie op sigself. Die feit dat Zané ook Distrik-kleure verwerf het, bevestig haar buitengewone talent en deursettingsvermoë.
Hoërskool Piet Retief is trots op jou, Zané – mag jou passie vir dans jou nog ver bring!
Lees meer skolenuus hier: https://schoolsthatrock.co.za/
Foto verskaf
Become a Sponsor
