schoolsthatrock
Afrika Atletiekkampioenskap – Twee uitmuntende atlete van die Afrikaanse Hoër Seunskool, Emil Els (graad 10) en Werner Gouws (graad 12), het onlangs Suid-Afrika se naam hoog gehou. Hierdie twee Affie atlete het geskitter in Abeokuta, Nigerië. Hulle het deelgeneem aan die Afrika Atletiekkampioenskap o.18 en o.20.
Emil Els – Dubbel Silwer in Middelafstand
Emil het die skare beïndruk met silwermedaljes in beide die 1 500 m (3:46.5) en die 800 m (1:48.4). Hierdie prestasie is besonder merkwaardig, aangesien middelafstand-items tradisioneel deur Oos-Afrikaanse lande soos Kenia en Ethiopië oorheers word. Emil se tye is nie net kompeterend op kontinentale vlak nie, maar toon ook dat hy ’n belowende toekoms in internasionale atletiek het.
Werner Gouws – Taktiek en Uithouvermoë
Werner het ’n 4de plek behaal in die 800 m, net-net buite medaljegebied, in ’n uitstekende taktiese wedloop. Maar hy het nie daar gestop nie — slegs 90 minute ná die 800 m het hy weer die baan betree vir die 4×400 m aflos, waar hy ’n silwermedalje verwerf het. Sy aflosbeen van 47.2 sekondes was ’n toonbeeld van uithouvermoë en vasberadenheid.
Affies se Atletiek-erfenis
Die Afrikaanse Hoër Seunskool, beter bekend as Affies, het ’n trotse tradisie van sportprestasies. Hierdie twee Affie atlete Emil en Werner wat so geskitter het in Nigerië se deelname en medaljes dra by tot die skool se reputasie. Affies is ’n broeiplek vir talentvolle jong sportlui. Werner is ook ’n oud-leerder van Laerskool Du Preez van Wyk en het vroeër vanjaar die SA Junior Kampioenskap gewen.
Knap gedaan, Emil en Werner! Julle is ware ambassadeurs van Affies én van Suid-Afrikaanse atletiek. Schools That Rock hou duimvas vir julle toekoms. Dalk sien ons julle eendag op die Olimpiese verhoog!
Meer skolenuus: https://schoolsthatrock.co.za/
Foto voorsien
Become a Sponsor
