schoolsthatrock
Afrika Jeugspele 2025. Menlopark se sterre skitter internasionaal!
Hoërskool Menlopark in Pretoria het rede tot groot trots nadat vier van sy leerders gekies is om Suid-Afrika by die komende Afrika-Jeugspele 2025 in Angola te verteenwoordig.
Die Suid-Afrikaanse Sportkonfederasie en Olimpiese Komitee (SASCOC) het bevestig dat twee atlete en twee swemmers van Menlopark deel is van die nasionale span wat in Desember aan die kontinentale jeugtoernooi gaan deelneem.
Die gekose leerders is Megan Nieman (100m-h en 400m-h) en Joshua Gerber (diskus). Chanel Veldsman en Wian Bartleman neem deel aan swem. Hulle sal Suid-Afrika se kleure dra in die internasionale arena en kry ook die geleentheid om hul talent teen die beste jong sportlui van Afrika te toets.
Hoërskool Menlopark het die aankondiging met trots verwelkom en die vier sterre gelukgewens met hul prestasie.
Hierdie is ’n lewensveranderende ervaring wat hul sportloopbane kan vorm en nuwe deure kan oopmaak.
Lees meer skolenuus hier: https://schoolsthatrock.co.za/
Foto’s verskaf
Become a Sponsor
