schoolsthatrock
T20 Vroue Krieket – Die oud-matriekleerling van Hoër Meisieskool Oranje, 2023, Miané Smit het Maandag geskitter op die krieketveld. Sy het in haar derde wedstryd vir die Proteas se T20 vroue krieket gespeel. Tydens hierdie wedstryd maak dié jong en talentvolle Miané Smit geskiedenis.
Miané het haar eerste vyftigtal in internasionale T20-krieket teen die Wes-Indiese Eilande aangeteken. Sy het dit met styl gedoen.
Met ‘n ysterhand onder druk het Miané ‘n onoortreflike 59 lopies van net 38 balle afgeslaan. Die Wes-Indiese boulers kon haar nie uitkry nie. Haar kolfwerk was ‘n meesterklas in kalmte en krag, met vlymskerp houe wat die veld regdeur laat gons het.
Dié jong ster was die beste kolwer vir die Proteas in die wedstryd. Sy het met haar slagvaardigheid duidelik gewys hoekom sy een is om dop te hou.
Haar selfvertroue en tegniek straal dié potensiaal uit van iemand wat lank in die internasionale arena kan uithou.
Meer skolenuus: https://schoolsthatrock.co.za/
Foto voorsien
Become a Sponsor
