SANESA Skoleruitersport. Affie Ruitersport het die afgelope naweek aan hul eerste kwalifiseerder vir SANESA skoleruitersport deelgeneem. Die ruiters het uitmuntend presteer. Die Affie-ruiters en hul perde het 24 plekke in eerste Sanesa-uitdunrondte verower.

Affies se ruitersportspan het uitmuntend presteer by die eerste Sanesa-kwalifiseerder (skoleruitersportkompetisie) wat die afgelope naweek, 11 en 12 Maart, by Eaton Farm in Fourways gehou is. Die span se ruiters het gesamentlik aan 111 verskillende items deelgeneem en 9 700 punte vir die skool ingesamel! Affies se span het tien eerste plekke, elf tweede plekke en drie derde plekke ingepalm. ŉ Hele rits nuwe graad 8-ruiters het bygedra tot hierdie uitstekende prestasie.

Prestasies:

Die volgende ruiters het besonder goed presteer met eerste, tweede of derde plekke in hul onderskeie items:

Sienna du Toit met Anjlik Passion: Twee 1ste plekke in dresseer
Lutri Serfontein met Serengeti Mojaji Isis: Twee 1ste plekke in dresseer; 2de plek in in-hand utility
Dene Pretorius met Abagta Lequila: 1ste plek in equitation
Minke Verster met Misti Grix: 1ste plek in skouspring
Layla Baily Hunter met Butter Bean Ivoor: ŉ 1ste en ŉ 2de plek in skouspring; 2de plek in equitation
Kirsten Louw met Cornerstone’s Black Arrow: ŉ 1ste en ŉ 2de plek in skouspring
Lutri Serfontein met Amiratus Orion: 1ste plek in prix caprilli; ŉ 2de en ŉ 3de plek in dresseer
Lutri Serfontein met Tokoza Land Cruiser: 1ste plek in in-hand utility
Lisa Mare Joubert met CJD Equestrian Rooigras Aragula: 2de plek in dresseer
Sienna du Toit met Ebisu Prinzuet: 2de plek in dresseer; 2de plek in performance riding
Lisa Mare Joubert met CJD Equestrian Rooigras Aragula: 2de plek in equitation
Carlien Pretorius met Rocky Road: 2de plek in equitation; 3de plek in skouspring
Karli van Niekerk met CJD Equestrian Double Digit: 2de plek in working hunter
Kaylee Buys met Cornerstone Los Abrigos: 3de plek in skouspring