schoolsthatrock
SA Toutrek Kampioenskappe – Hoërskool Robertson se toutrekhelde het die afgelope naweek geskitter op die nasionale verhoog. Die Suid-Afrikaanse Toutrek Kampioenskappe is by Hoërskool Robertson aangebied.
Met trots en groot vreugde deel Hoërskool Robertson die nuus dat hulle gemengde span van 520kg goud verower het tydens die SA Toutrek Kampioenskappe.
Die kampioenskappe was ’n massiewe byeenkoms. Meer as 1 635 atlete en 504 spanne het deelgeneem. Te midde van hierdie groot kompetisie het Robertson se span uitgestaan met hul vasberadenheid, spanwerk en onwrikbare toewyding.
Hierdie prestasie is nie net ’n oorwinning op die dag nie, maar ’n bewys van maande se harde werk en dissipline. Elke lid van die span het sy of haar rol met trots vervul. Die afrigters se leiding het hul span tot nuwe hoogtes geneem.
In September gaan die span Suid-Afrika verteenwoordig by die Wêreldkampioenskappe in Mosselbaai in die 520kg gemengde afdeling. Dit is ’n besondere eer en ’n mylpaal wat die hele Robertson-gemeenskap met trots vervul.
Hoërskool Robertson is baie trots op elke spanlid en afrigter. Julle het gewys wat ware spanpoging beteken. Robertson staan vierkantig agter julle vir die uitdagings wat nog voorlê.
Meer skolenuus: https://schoolsthatrock.co.za/
https://hoerskoolrobertson.co.za/
Foto voorsien
Become a Sponsor
