SA Skole Atletiekkampioenskap. Rooies het fantasties presteer tydens die SA Skole Atletiekkampioenskap. Rooies-atlete het vier medaljes by SA’s ingepalm.

Lika Olivier, Rooies se o.17-langasem verower ‘n silwer medalje in die 1 500m.In die 800m hardloop sy in ‘n blitsige tyd van 2:13 – daarmee behaal sy ŉ vierde plek.
Jordan Goldswain, seuns o.17, hardloop 2 ongelooflike wedlope en verower brons in die 200m met ‘n blitsige 21,53s. Hy het ook ‘n sesde plek in die 100m vir seuns o.17. Sy tyd was 10,82s.
Logan Nienaber verwerf ŉ brons medalje met ‘n pragtige afstand van 46,27 m in die skyfwerp vir dogters o.17.
Chris-Marie Bezuidenhout, o.15-dogters, bring ‘n brons medalje huis toe in gewigstoot met ‘n uitsonderlike afstand van 15,14m.
Kayla Coetzee, behaal ‘n sesde plek in die 5000m vir dogters o.19.
Wihan Geldenhuys, o.19-seuns, blits die 400m af in 48,96s en verseker sy plek in die top 8.
WJ Fraser, Rooies se o.17-seuns 400 m-hekkies-atleet behaal ‘n vierde plek met ‘n 53,11s. Hy behaal ook ‘n sewende plek in die 400m met ‘n tyd van 49,70s.
Mieke van der Walt behaal ‘n negende plek in die 300m-hekkies en is algeheel 14e in die 90m-hekkies met ‘n tyd van 13,79s.
Josca Easton, behaal ‘n vyfde plek met ‘n uitsonderlike hoogte van 1.90m in hoogspring vir o.17-seuns.