schoolsthatrock
SA Atletiekkampioenskappe. Hoërskool Langenhoven skitter by SA-atletiekkampioenskappe.
Leerders van Hoërskool Langenhoven, Riversdal, het hul skool met groot trots verteenwoordig tydens die SA-atletiekkampioenskappe, waar hulle teen die land se beste atlete meegeding het.
Die hoogtepunt van die byeenkoms was sonder twyfel Jade Marx se indrukwekkende prestasie in die 5000m stap. Sy het ’n uitmuntende 2de plek behaal met ’n tyd van 28:39.17. Daarmee het sy haar plek onder die land se topatlete bevestig. Hierdie prestasie getuig van haar toewyding, deursettingsvermoë en ure se harde werk.
Chelsea Saayman het sterk meegeding in die 5000m en ’n 8ste plek behaal met ’n tyd van 19:25.63. Anika du Plessis het ’n uitstekende 5de plek in hamergooi behaal met ’n afstand van 46,0m.
Om op hierdie vlak deel te neem is reeds ’n besondere prestasie, en Hoërskool Langenhoven is uiters trots op hierdie atlete se harde werk, fokus en toewyding. Hulle het die skool se naam met trots uitgedra en dien as inspirasie vir hul medeleerders en die gemeenskap.
Lees meer skolenuus hier: https://schoolsthatrock.co.za/
Foto verskaf
Become a Sponsor
