schoolsthatrock
Rhino Week Rugby. Callies Skitter op die Rugbyfront!
Vyf uitmuntende rugbyspelers van Hoërskool Carletonville is gekies om van 1 tot 5 Julie aan die prestigeryke Rhino Week Rugby deel te neem! Hierdie is nie net ’n reuse-prestasie nie, maar ook ’n bewys van julle harde werk, deursettingsvermoë en passie vir die spel. Julle dra die Callies-naam met trots en Carltonville staan vierkantig agter julle!
Spelers wat gekies is om hul staal te wys:
- Asemahle Sigoxo
- Morne Ainsley
- Andru Botha
- Lazola Mbangata
- Reabetswe Letlabika
Elke speler bring unieke talent en vuur na die veld – en ons weet julle gaan die opponente laat les opsê!
Afrigting van wêreldgehalte: ’n Span is net so sterk soos sy afrigters, en Callies is trots op die kragspan wat agter hierdie spelers staan:
- Mnr. SP Botha – Hoofafrigter én voorsitter van Rhino Week. ’n Leier in elke sin van die woord!
- Mnr. M. Lewiiton en Mnr. E. Möller – Onmisbare steunpilare in die afrigtingspan.
Waar en wanneer? Die Rhino Week vind plaas by die Vaal Universiteit van Tegnologie (VUT) in Vanderbijlpark – ’n week van topklas-rugby, waar jong sterre hulself op die nasionale radar kan plaas.
💪 “Sterkte, manne! Ons weet julle gaan Callies se trots, gees en gehalte op en van die veld af uitdra. Speel met hart, speel met eer – en weet dat julle hele skool agter julle staan!”
Lees meer skolenuus hier: https://schoolsthatrock.co.za/
https://hscarletonville.co.za/
Foto’s verskaf
Become a Sponsor
