schoolsthatrock
RCFA Open World Championships. Volkskool op wëreldverhoog met skopboks – Trots op Jean van Wyngaard!
Die RCFA Open World Championships, is van 3–5 April by Emerald Casino in Vanderbijlpark aangebied. Hier het Hoër Volkskool Graaff-Reinet se naam helder geskyn. Jean van Wyngaard, leerder van die skool, het met ongelooflike fokus en deursettingsvermoë sy plek op die wêreldverhoog bevestig.
Onder die toegewyde leiding van afrigter Gert van der Merwe het Jean teen strawwe internasionale kompetisie die boksring betree. Hy het nie teruggestaan nie en sy harde werk is beloon met ’n welverdiende bronsmedalje in skopboks – ’n prestasie wat hom en sy skool op die internasionale kaart geplaas het.
Hierdie oorwinning is nie net ’n persoonlike triomf nie, maar ook ’n bewys van:
- ure se intense oefening,
- onwrikbare dissipline, en
- die krag van ’n sterk ondersteuningspan agter hom.
Ons is ongelooflik trots op Jean en sy afrigter. Hulle bewys dat toewyding en leiding hand aan hand stap op die pad na sukses. Hierdie prestasie inspireer nie net sy medeleerlinge nie, maar ook die hele Volkskoolgemeenskap.
“Jean se prestasie herinner ons dat drome met harde werk en vasberadenheid werklikheid kan word. Ons sien uit na sy volgende groot stap!”
Lees meer skolenuus hier: https://schoolsthatrock.co.za/ https://www.hvsgrt.org.za/
Foto verskaf
Become a Sponsor
