schoolsthatrock
O.21 Protea Netbal. Oud-Affies Skitter op Nasionale Verhoog!
Afrikaanse Hoër Meisieskool Pretoria (Affies) vier met trots die uitsonderlike prestasies van twee van hul oud-leerders. Jamie Matfield en Bianca Lubbe is twee skitterende oud-netbalspelers wat onlangs opgeneem is in die o.21 Protea Netbal Oefengroep.
Jamie, ’n sleutelspeler in die 2024 eerste span en dogter van voormalige Springbok-kaptein Victor Matfield, is ook gekies vir die SPAR Baby Proteas-span wat Suid-Afrika gaan verteenwoordig by die Netbal Wêreldbeker vir Jeug 2025 in Gibraltar. Bianca, wat tans vir die Free State Crinums in die Telkom Netbal Liga speel, het haar merk gemaak as een van die land se opkomende sterre.
Affies se netbalprogram is bekend vir sy uitmuntende afrigting en diepgewortelde kultuur van prestasie. Die 2024 eerste span is gekroon as Suid-Afrika se beste netbalspan, en die skool het al verskeie nasionale kampioene opgelewer.
🎉 Affies is ongelooflik trots op Jamie en Bianca en wens hulle alle sterkte toe vir die finale proewe en voorbereiding vir die Wêreldbeker-toernooi. Julle is ware ambassadeurs van Affies se gees en toewyding.
Affies staan bankvas agter julle – gaan wys die wêreld wat julle kan doen!
Lees meer skolenuus hier: https://schoolsthatrock.co.za/
Foto verskaf
Become a Sponsor
