Nasionale Netbalkampioenskappe. Hoërskool Linden skitter op nasionale netbalverhoog!

Drie buitengewone dames van Hoërskool Linden, Randburg, het onlangs hul merk gelaat op die Nasionale Netbalkampioenskappe. Hulle het met hul toewyding en talent die Linden-vaandel hoog laat wapper.

Mieke van Westling, lid van die o.16 Delta-span, het vanaf 29 Junie tot 2 Julie in Boksburg aan die “All Ages”-toernooi deelgeneem. Haar span is as algehele wenners aangewys en het ’n goue medalje verower — ’n blink beloning vir harde werk en spangees!

Uné van den Berg, trotse verteenwoordiger van die o.17 Lambda-span, het van 6 tot 11 Julie in die Wes-Kaap aan die Telkom Netball Challenge (TNC) deelgeneem en ’n 4de plek nasionaal behaal. ’n Uitstekende prestasie in ’n sterk kompetisie!

Juf. Magriet Nel, afrigter van die o.17 Gamma-span, het ook haar stempel afgedruk tydens die TNC, en haar span het 6de plek algeheel behaal. Haar leiding en passie vir die sport spreek boekdele.

Hierdie prestasies is ’n bewys van deursettingsvermoë, talent en die krag van Linden se netbalkultuur. “Ons is verskriklik trots op Mieke, Uné en Juf. Nel — julle is ware ambassadeurs van Hoërskool Linden!”