schoolsthatrock
Interhuis Swemgala – Laerskool Stulting, Humansdorp het hul jaarlikse interhuis swemgala onlangs aangebied. Dit was ’n dag vol energie, geesdrif en sportiewe trots. Van die eerste fluitjie tot die laaste aflos, was die gees langs die kant net so indrukwekkend soos die prestasies in die water. Ouers, onderwysers en klasmaats het ook saamgelag en hande is ritmies geklap. Die atmosfeer was een van trots en ondersteuning, soos hulle hul huise aangemoedig het.
Die leerders het nie net hul talent in die water gewys nie. hulle het ook hul deursettingsvermoë en sportmanskap getoon. Elke swemmer het sy of haar beste gegee, of dit nou in ’n vinnige sprint of ’n uitdagende aflos was.
’n Groot dankie aan al die ondersteuners wat die dag onvergeetlik gemaak het deur hul aanmoediging en positiewe energie. Hulle het die swemmers die ekstra motivering gegee wat hulle nodig gehad het om deur te druk en hul beste te lewer.
Spesiale gelukwense gaan aan Dupreez van Zyl. Hy is met sy uitmuntende vertonings en vasberadenheid as “Swemmer van die Dag” bekroon is. Hierdie is ’n prestasie wat beslis inspirasie bied aan sy medeswemmers en die hele skoolgemeenskap.
Die Interhuis Swemgala het weereens bewys dat sport by Stulting nie net oor wen gaan nie. Dit gaan ook oor saamstaan, ondersteuning en trots met elke poging.
Meer skolenuus: https://schoolsthatrock.co.za/
https://www.stulting.co.za/
Foto voorsien
Become a Sponsor
