schoolsthatrockJanique Gerber, hoofdogter van Hoërskool Langenhoven Riversdal vir 2018, is as semi-finalis in die 2018 Miss High School SA skoonheidskompetisie, verkies.
Janique is een van 24 semi-finaliste uit honderde inskrywings van regoor die land. Sy is ‘n ware ambassadeur vir die skool en is baie opgewonde om as semi-finalis verkies te word. Die skoonheidskompetisie is bekend om jong vroue in verskeie aspekte te bemagtig en is veral op die gemeenskap gefokus – iets wat Janique baie naby die hart lê.
Janique streef daarna om positiewe verandering in Riversdal en sy gemeenskap teweeg te bring. Haar leuse is “as jy die geleentheid kry om iets te doen om ander te help, jy daardie geleentheid met albei hande moet aangryp”. Janique voel ook dat dit die jonger geslag se werk is om die verandering te wees wat ons in die wêreld wil sien, en dié kompetisie kan haar daardie geleentheid bied.
Die borrelende 18-jarige, met ‘n passie vir die lewe, en ‘n groot belangstelling om ander op te hef, is passievol oor hokkie, om gesond te leef, skoonheid en mode. Sy is bekend in haar vriendekring as ‘n positiewe rolmodel met ‘n positiewe uitkyk. Sy lewe elke dag deur net haarself te wees.
Die doel van die skoonheidskompetisie is om Girl Power Foundation (www.girlpowerfoundation.co.za) te ondersteun, en om jong meisies deur opvoeding te bemagtig, en deel te neem aan liefdadigheidswerk. Dit is ook om persone te identifiseer wat ambassadeurs sal wees om Hoërskoolleerders in Suid-Afrika te verteenwoordig.
Dit bou vertroue en leierskapsvaardighede. Die wenners van hierdie kompetisie sal rolmodelle in hul skole en gemeenskap word.
Daar word van elke semi-finalis vereis om R2 000 in te samel deur middel van borge of ‘n fondsinsameling. Daar kan vir Janique gestem word deur GEES MHSSA Janique na 37587 te sms.
Die finaal vind later vanjaar in Johannesburg plaas.
Vir meer inligting besoek gerus www.misshighschool.co.za
Hoërskool Langenhoven is baie trots op hierdie Dassie!
Become a Sponsor
