schoolsthatrock
Hoërskool Punt Krieketfees. 🏏 Hoërskool Sentraal blink uit by Hoërskool Punt Krieketfees.
Die eerste krieketspan van Hoërskool Sentraal, Bloemfontein, het van 3 tot 7 Oktober met groot entoesiasme aan die jaarlikse Hoërskool Punt Krieketfees deelgeneem. Die toernooi het Sentraal se spelers die geleentheid gebied om hul vaardighede teen verskeie sterk skole te toets. Tralies het met trots twee oorwinnings behaal uit drie wedstryde gespeel.
🔹 Wedstryd 1: Teen Hoërskool Bellville. Verloor met 81 lopies. Ten spyte van ’n nederlaag het Sentraal se boulers hul staal gewys. Ruardt Kleynhans en Danny Botes het elk drie paaltjies geneem en sodoende Bellville se lopietempo beperk. Juan van der Walt het met ’n stewige 35 lopies die meeste bygedra met die kolf.
🔹 Wedstryd 2: Teen Worcester Gimnasium – Wen met 6 lopies. In ’n naelbytstryd het Sentraal se boulers die oorwinning verseker. Danny Botes het uitgestaan met 4 paaltjies, terwyl Caylem Friend drie paaltjies laat kantel het. Jaco Buys het met ’n kalm en volwasse beurt van 28 lopies, nie uit nie, die span se telling gestabiliseer.
🔹 Wedstryd 3: Teen Hoërskool DF Malherbe – Wen met 7 paaltjies. Sentraal het hierdie wedstryd met oortuiging gewen. Erik Prinsloo het ’n briljante 50 lopies, nie uit nie, aangeteken. Hy het die wedstryd met sy kolf oorheers. Damian Smith het met 2 paaltjies bygedra tot ’n sterk boulvertoning.
Samevatting. Die span het karakter en deursettingsvermoë getoon, met verskeie individuele sterre wat hul merk gemaak het. Die deelname aan die Krieketfees was nie net ’n sportiewe uitdaging nie, maar ook ’n geleentheid vir groei, spanbou en trots vir Hoërskool Sentraal.
Lees meer skolenuus hier: https://schoolsthatrock.co.za/
Foto verskaf
Become a Sponsor
