Zoë Heyns, ‘n graad 10-leerder van Hoërskool Langenhoven in Riversdal, en Rochelle Janse van Rensburg, ‘n graad 9-leerder, het vanaf 9 tot 12 Augustus te George, aan die SANESA Wes-Kaap perdrykampioenskappe deelgeneem, en goed presteer.
Zoë het ‘n tweede, vierde en vyfde plek behaal en Rochelle twee sewende plekke. Beide word in die WP-span opgeneem en kwalifiseer om aan die nasionale kampioenskappe later vanjaar te gaan deelneem.
Hier verskyn Zoë Heyns (links) en Rochelle Janse van Rensburg (regs).