schoolsthatrock
First Lego League-kompetisie. Hoërskool Garsfontein Robotika-span wen groot by UNISA 🎉🤖
Die Robotika-span van Hoërskool Garsfontein het onlangs uitmuntend presteer by die First Lego League-kompetisie wat by UNISA plaasgevind het. Die span het nie net die Champions Award verower nie, maar ook tweede plek in die robotkompetisie behaal. Dit is ’n prestasie wat hul tegniese vaardigheid en spanwerk duidelik onderstreep.
Die Champions Award is die hoogste toekenning wat ’n span kan ontvang in die First Lego League. Dit word toegeken aan die span wat in alle fasette van die kompetisie uitblink. Dit geld van robotontwerp en programmering tot navorsingsprojek en spanwaardes. Verder beteken dit dat die Garsies nie net ’n uitstekende robot gebou het nie. Hulle het ook kreatiwiteit, innovasie en samewerking op wêreldvlak gedemonstreer het.
Die spanlede is Juan Ward, Lana Burger, Liandrie le Roux en Nevin du Toit. Hulle het met hul harde werk en toewyding bewys dat Garsfontein se jong ingenieurs en denkers tot die beste in die land behoort.
Met hierdie prestasie het die span hul plek verseker in die Nasionale kompetisie. Dit vind plaas op 5 en 6 Desember by SciBono in Johannesburg. Hier sal die Garsies meeding teen die top spanne van regoor Suid-Afrika. Dit bied ook die kans om deur te dring na die internasionale rondte.
Die hele Garsfontein-gemeenskap is trots op die span en wens hulle alle sterkte toe vir die uitdagings wat voorlê.
Lees meer interessante skolenuus hier: https://schoolsthatrock.co.za/
Foto verskaf
Become a Sponsor
