schoolsthatrock
Vlnr: Mev. R. Mentoor (Engels Eerste Addisionele Taal), mev. E. Loedolff (Wiskunde en Wiskundige Geletterdheid), me T van der Walt (Rekenaarstoepassingstegnologie), mnr. Danie Malan (skoolhoof), me A Francis (Afr. Huistaal), mev. M Kuhn (Wiskunde en Wiskundige Geletterdheid), mnr. T Basson (Ingenieursgrafika en -Ontwerp) en mev. E. de Villiers (Verbruikerstudies).
Hoërskool Strand het ‘n sertifikaat ontvang waarin erkenning gegee word vir die feit dat daar ‘n algehele 90% – 100% slaagsyfer die afgelope drie jaar gehandhaaf is. Verder ontvang die skool ‘n sertifikaat vir die verbetering van 10% of meer in die algehele slaagsyfer met ‘n minimum van 60% slaagsyfer.
Strand is ook vereer vir die volgehoue prestasie die afgelope twee jaar dat 50% of meer van die leerders vir ‘n baccalaures graad vir verdere studies gekwalifiseer het.
Die volgende vakke handhaaf ‘n slaagsyfer van 95% – 100% die afgelope 5 jaar met ‘n minimum van 20 leerders in die vak: Afrikaans Huistaal, Engels Eerste Addisionele Taal, Ingenieursgrafika en -Ontwerp, Rekenaartoepassingstegnologie, Toerisme, Verbruikerstudies, Wiskunde en Wiskundige Geletterdheid.
Become a Sponsor
