schoolsthatrock
ATKV‑Jeugleiersimposium – Hoër Meisieskool Oranje se hoofleiers van 2026 het teruggekeer van die ATKV-Jeugleiersimposium. Die Jeugsimposium word jaarliks by ‘n ATKV-oord aangebied.
Carien Fourie, hoofmeisie van Oranje, het saam met die onderhoofleiers Nestine van Rooyen en Jenna du Plessis die ATKV-Jeugleiersimposium bygewoon.
Die ATKV‑Jeugleiersimposium is ’n dinamiese leierskapsontwikkelingsprogram wat daarop fokus om nuutverkose graad 11‑leiers toe te rus met die vaardighede en selfvertroue om leiers te wees. Dit leer hulle om elke leerder se waarde te erken en met opregte omgee op te tree om die skool se groei te bevorder.
Voorbereiding vir hul rol as skoolleiers
Meer as 300 leerders het die vierdag-simposium bygewoon, wat ’n energieke, inspirerende atmosfeer skep waar jongmense mekaar aanmoedig om “agents of change” te word.
Volgens Carien Fourie, hoofmeisie van Oranje, het hulle geleer hoe belangrik dit is om raak te sien wanneer iemand ondersteuning nodig het. So kan hulle elke persoon op ’n manier help wat by hulle unieke behoeftes pas.
Tydens die ATKV-Jeugleiersimposium woon leerders praatjies van kundiges by wat oor leierskap, karakter, besluitneming en selfontwikkeling gesels. Dit help hulle om nuwe perspektiewe te kry en hul eie leierskapstyl te ontdek.
Praktiese werkswinkels
Die simposium bied interaktiewe werkswinkels aan waar leerders:
- Leer om empatie en menswaardigheid in leierskap toe te pas
- Kommunikasievaardighede slyp
- Leer hoe om konflik te hanteer
- Spanwerk en samewerking oefen
- Probleemoplossingstrategieë ontwikkel
Deur hierdie werkswinkels het hulle ook besef hoe noodsaaklik dit is om in uitdagende situasies objektief en regverdig op te tree en nie vanuit emosie nie. Verder het hulle geleer hoe om mekaar te ondersteun en die sterk punte van elke spanlid te benut. Leerders werk in groepe saam met ander skole se leiers. Dit skep ’n netwerkgeleentheid waar hulle idees uitruil en van mekaar se ervarings leer.
Fokus op karakter en waardes
’n Groot deel van die program behels:
- Die bou van ’n morele kompas
- Verantwoordelike besluitneming
- Die ontwikkeling van integriteit en selfdissipline
Voorbereiding vir hul rol as skoolleiers
Die simposium help leerders om:
- Hul nuwe leiersrolle met selfvertroue aan te pak
- Praktiese strategieë te ontwikkel vir die bestuur van portefeuljes
- Te leer hoe om ander te ondersteun en te motiveer
- Te verstaan hoe hulle ’n positiewe impak op hul skoolgemeenskap kan hê
Meer skolenuus: https://schoolsthatrock.co.za/
Foto voorsien
Become a Sponsor
