schoolsthatrock
Vrystaat Swemkampioenskap – Hoër Meisieskool Oranje se swemmers het die afgelope naweek aan die Vrystaat Swemkampioenskap deelgeneem.
Die Vrystaat Swemkampioenskap word tradisioneel in Bloemfontein aangebied. Hierdie jaar se byeenkoms is by Grey College Primêr se swembad gehou. Skole van regoor die Vrystaat het mekaar die stryd aangesê.
Oranje se swemmers het dus in hul eie tuisdorp die medalje-oes ingeryg. Dit is ’n ekstra spesiale prestasie omdat dit voor hul plaaslike ondersteuners plaasgevind het.
Die Vrystaat se swembad het die naweek behoorlik gekook toe Leandi Prinsloo (14) ’n medalje-oes van formaat ingeryg het. Sy het ’n verstommende 17 goue medaljes en 1 silwer huis toe geneem. Dis voorwaar ’n prestasie wat haar naam in die rekordboeke vaspen.
Een van haar goues was ekstra spesiaal. Sy het die 50 m-vlinderslag-rekord verbeter wat al nege jaar ongeskonde gestaan het. Daarby het sy ook in aflosse uitgeblink en is as Junior Victrix Ludorum aangewys. Leandi het in elke individuele item van haar ouderdomsgroep deelgeneem en is net in die 800 m-vryslag geklop.
Ander sterre in die water wat aan die Vrystaat Swemkampioenskap deelgeneem het, is:
- Emma Pretorius (15) – Sy het met 4 goue en 3 silwer medaljes haar talent bevestig.
- Meandri de Vos (15) – Sy het ook sterk vertoon met 4 goues en ’n silwer.
Die span se diepte is duidelik sigbaar met ‘n hele lys ander podium-prestasies.
Oranje se medaljewenners is as volg:
- Ashleigh de Jager: 2 silwer, 1 brons
- Ané Snyders: 2 silwer
- Kate-Lynn de Jager: 1 silwer, 2 brons
- Lika Zietsman: 4 brons
- Johandri Pool: 3 brons
- Caileigh de Beer: 3 brons
- Maya Meyer: 2 brons
- Daniëlle Harbron: 1 brons
- Zenicke van Schalkwyk: 1 brons
Met só ’n indrukwekkende medalje-reeks het Oranje se swemmers gewys dat hulle nie net die Vrystaat se swemkampioenskap in die water oorheers het nie.
Hulle is ook ‘n krag is om mee rekening te hou op nasionale vlak.
Meer skolenuus: https://schoolsthatrock.co.za/
Foto voorsien
Become a Sponsor
