schoolsthatrock
A.T.K.V.-Jeugleierkonferensie. Hoërskool Bellville is verheug om te deel dat drie van hul hoofleiers — Henré Kleynhans, Jenna Sutherland en Ryno Higgs — hierdie week die A.T.K.V.-Jeugleierkonferensie bygewoon het. Hulle keer môre, 11 Desember, terug – ryker aan ervaring en inspirasie.
Hierdie konferensie was veel meer as ’n kamp. Dit is ’n unieke geleentheid waar jong leiers hul stem kan vind. Hulle kon ook vaardighede slyp en deel kan word van ’n netwerk van gedrewe, inspirerende jongmense van regoor Suid-Afrika.
“Ons weet dat elkeen van julle die waardes van Hoërskool Bellville met trots uitdra. Julle is ook altyd bereid om te groei en nuwe uitdagings met oorgawe aan te pak. Ons glo dat hierdie week gevul was met insiggewende gesprekke. Jul betekenisvolle ervarings en herinneringe sal nog lank met julle wees. Julle verteenwoordig nie net ons skool nie, maar ook die ware gees van leierskap.”
Hoërskool Bellville sien met groot opgewondenheid uit daarna om alles te hoor — julle stories, julle inspirasie en die nuwe energie waarmee julle terugkeer om ’n verskil te maak!
Lees meer skolenuus hier: https://schoolsthatrock.co.za/
Foto verskaf
Become a Sponsor
