schoolsthatrock
Dink of Sink. 🌟 Dink of Sink laat denkspronge in Mpumalanga!
Hoërskool Nelspruit was Woensdag, 30 Julie, die trotse gasheer van die Mpumalanga-rondte van Dink of Sink. Dit is ’n dinamiese, onvoorbereide debatskompetisie wat in samewerking met AfriForum aangebied is.
🎤 Drie hoërskole, twee laerskole, een onvergeetlike dag:
- Hoërskool Nelspruit, Hoërskool Ermelo en Hoërskool Lydenburg het hul debatspiere gebuig.
- Laerskool Laeveld en Laerskool Nelspruit het vir die eerste keer hul jong denkers in die arena gestuur— en hulle het nie gesink nie!
Debat in aksie: In nege lokale het spanne van Laerskole, Hoërskool Juniors en Seniors elk vier debatte gevoer. Die dag se intense redenaarskap het uitgeloop op ’n glansryke gala-aand waar die top twee spanne per afdeling mekaar op die verhoog die stryd aangesê het.
Sterre van die dag:
- Juniorwenners: Jeani Willemse, Leandri Pretorius en Miané van Niekerk van NHS het die Mpumalanga-rondte gewen.
- Seniorfinaliste: NHS se graad 12-span—Kirsten Lea, De la Rey Radley en Nina Prinsloo—beweeg aan na die nasionale finaal.
- Laerskoolkampioene: Henrike Bekker, Eben Smit en Imke Flemming het met skerp denke en selfvertroue die kroon gedra.
🚀 Wat lê voor? Volgende jaar mik ons nog hoër—met meer waaghalsige debatteerders, groter idees en ’n passie vir denke wat nie sink nie.
Lees meer skolenuus hier: https://schoolsthatrock.co.za/
Foto’s verskaf
Become a Sponsor
