Agter vlnr: Jaco Fourie, Mnr. SD Botes (afrigter), Jano Malan, Johan Maritz, Sylvester Hoffman, Caydon Daniels, Jaden Williams en Mnr. Franco Swart (afrigter).
Voor vlnr: Roelof Slabbert, Ruwin Isaks, Wian Kriek, P. A Karsten, Siphe Msebenzi en Hercules Hudson.
Hoërskool Upington en Hoërskool Duineveld het teen mekaar in die 0/15 Krieket Finaal gespeel.
Velties het eerste gekolf en na goeie boulwerk van Jano Malan en PA Karsten het Uppies hulle vinnig onder druk geplaas. Velties is vir slegs 61 lopies almal uitgeboul.
PA Karsten was Uppies se beste bouler met 4 paaltjies vir slegs 13 lopies. Ruwin Isaks en Sylvester Hoffmann het elkeen 2 paaltjies geneem.
In Uppies se kolfbeurt het die twee openingskolwers Hercules Hudson en Jano Malan die lopies in slegs 7 boulbeurte behaal. Uppies wen die wedstryd met 10 paaltjies!
Uppies krieket is vir seker op ‘n goeie wenpad!
Baie geluk manne, Uppies is trots op julle!
