Foto links: 1ste Span en regs: onder 15 finaal.
Die 2019/ 2020 seisoen was weereens vir krieket in Upington ’n groot seisoen en het van die beste krieket opgelewer. Tydens die uitspele het die 1ste span nie een van hulle wedstryde verloor nie.
Op 20 Februarie het Hoërskool Upington en Hoërskool Duineveld teen mekaar te staan gekom om te kompeteer vir die O.19 skoleliga in die ZFM distrik.
Uppies kolf eerste en teken ‘n totaal van 135 lopies aan met Geo Engelbrecht met 20, Jaydon Fortuin 19 en Brend Mulder met 38 lopies elk.
Die totaal het aanvanklik min gelyk om te verdedig, veral met ‘n lang kolflys van Duineveld, maar Uppies se boulers het hulle goed van die taak gekwyt. Uppies se boulers het besonder goed geboul. Die volgende boulers het gemaai onder die kolwers. Ricky Slabbert 2 – 20, Ferdie Richetr 2 – 9, Jaydon Fortuin 3 – 9 en Sheldon Cloete 2 – 6. Brend Mulder en Geo Engelbrecht lewer baie goeie vertonings en met slegs 19 lopies in 5 boulbeurte wat hulle afstaan as 1ste boulers word Duineveld uitgehaal vir 84 lopies.
Die O.15 span het ook die seisoen nie een van hulle westryde verloor nie en het op 3 Maart teen Hoërskool Duineveld in die skoleliga finaal gespeel.
Hoërskool Upington wen die loot en stuur Duineveld in om te gaan kolf. Met ‘n baie goeie boul-aanval en stadige kolfwerk van Duineveld haal Uppies hulle uit vir slegs 61 lopies in die 20ste boulbeurt.
PA Karsten neem 4 paaltjies en staan slegs 12 lopies af in sy toegelate 5 boulbeurte. Ruwin Isaacs en Sylvester Hoffman neem elk 2 paaltjies. Jano Malan boul uitstekend en Duineveld se kolwers kon hom net nie wegkry nie. Hy staan slegs 9 lopies af in 5 boulbeurte.
Uppies se kolfwerk was net te goed vir enige boulaanval wat Duineveld kan loots en het die bal met doelgerigtheid gemoker. Jano Malan en Hercules Hudson was die enigste spelers wat moes gaan kolf om die klein totaal te verdedig. Hercules staar 29 balle in die gesig en slaan 45 lopies waarvan 4 balle viere was en 2 balle sesse. Jano doen sy werk uitstekend om vir Hercules voor die penne te kry en hardloop hard tussen die paaltjies nadat hy baie goeie houe gespeel het. Uppies wen die wedstryd met 10 paaltjies.
Dit is die 5de agtereenvolgende jaar dat Uppies se O.15 span die liga wen.
As enige toekomstige speler ooit gewonder het waarheen om te gaan om goeie krieket te speel, is die antwood baie maklik as daar na die uitslae gekyk word.
Dankie aan alle ouers en borge wat ons skool se krieket so goed ondersteun en dankie aan die afrigters vir al die ure wat ingesit word om elke speler tot sy beste potensiaal te laat vorder.
Uppies Krieket BO!!