schoolsthatrock
Swemmers blink uit – Hoër Meisieskool Oranje se swemmers blink uit op nasionale vlak. Die twee graad 9-leerders, Meandri de Vos en Emma Pretorius, het hul staal gewys deur te kwalifiseer vir vanjaar se Nasionale Kortbadkampioenskap. Dit is ’n prestasie wat slegs vir die land se top swemmers beskore is.
Die kampioenskap het die afgelope week in Pietermaritzburg plaasgevind. Daar het die twee jong swemmers in die ope-afdeling meegeding het. Albei swemmers het deelgeneem in sewe individuele items en blink uit, wat hul uithouvermoë, tegniek en toewyding tot die sport onderstreep.
Wat hul prestasie nog indrukwekkender maak, is dat Meandri en Emma reeds vroeër vanjaar ook vir die Nasionale Junior-kampioenskap gekwalifiseer het. Dit is ’n bewys van hul konstante groei en uitnemendheid in swem.
Toewyding en talent
Beide swemmers is aktief betrokke by intensiewe oefenprogramme en word deur hul afrigters geloof vir hul werksaamhede, dissipline en sportmanskap. Hulle is rolmodelle vir jonger swemmers en toon dat harde werk en passie werklik vrugte afwerp.
Wat lê voor?
Met hierdie nasionale blootstelling is Meandri en Emma nou op die radar vir toekomstige provinsiale en nasionale spaninsluiting, en hul deelname aan internasionale byeenkomste is nie buite bereik nie.
Die Oranje-skoolgemeenskap is so trots op hierdie twee swemmers!
Meer skolenuus: https://schoolsthatrock.co.za/
Foto voorsien
Become a Sponsor
