schoolsthatrock
Steenbokkieweek. 🏏 Hoërskool Nelspruit se o.15-krieketspan begin die seisoen met glans!
Die jong kriekethelde van Hoërskool Nelspruit het die jaar op ’n hoë noot afgeskop met ’n indrukwekkende oorwinning oor Hoërskool Eldoraigne. Die span neem ook hierdie week deel aan die gewilde Steenbokkieweek wat by Midstream College aangebied word. Dit is ’n geleentheid waar van die beste skolekrieketspanne hul kragte meet.
NHS het ’n stewige totaal van 145 lopies opgestapel. ’n Sterk bydrae het gekom van Brayden Pieterse, wat met sy 40 lopies van net 37 balle die toeskouers behoorlik opgewonde gemaak het. Eldoraigne kon nie die druk hanteer nie en is vir 115 lopies uitgeboul – 30 lopies kort van die teiken.
Die boulers van Nelspruit het die oorwinning verseker:
- Ghian van Eeden het die teenstanders behoorlik laat sidder met sy uitmuntende syfers van 4 paaltjies vir slegs 11 lopies.
- Kehan Brits het ook sy merk gemaak met 2 paaltjies vir 15 lopies.
Wedstryd teen Hoërskool Zwartkop
In ’n Puik vertoning deur die o/15 krieketspan vandag teen Hoërskool Zwartkop, het Nellies met 7 paaltjies gewen! Dit is danksy Ihvan Pretorius se indrukwekkende vyf paaltjies vir 14 lopies.
Die wenlopies is in die 18de beurt aangeteken.
Met só ’n sterk begin, lyk dit beslis of die o.15-span reg is om groot dinge te verrig by die Steenbokkieweek sowel as die res van die seisoen. Die hele skoolgemeenskap hou duim vas vir nog oorwinnings! Hierdie manne laat nie met hulle mors nie!
Lees meer skitterende skolenuus hier: https://schoolsthatrock.co.za/
Foto verskaf
Become a Sponsor
