schoolsthatrock
St Mary Hokkie-toernooi – Hoër Meisieskool Oranje se o18A hokkiespan het die afgelope naweek geskiedenis gemaak. Hulle het Sondag die St Mary Hokkie-toernooi in Johannesburg met styl gewen.
Ná 22 wedstryde vanjaar is hulle steeds onoorwonne. St Mary Hokkie-toernooi was die span se eerste groot hokkietitel van die seisoen. Hierdie oorwinning het hulle met ware Oranje-gees verower.
Dit was ’n Toernooi vol hoogtepunte en die uitslae was as volg:
- St Stithians is met 3-0 geklop.
- Clarendon moes 6-0 terugstaan.
- Teen Pietermaritzburg Girls’ was dit ’n taai 1-0 oorwinning.
- Paarl Gim is met 2-1 gekniehalter.
- Bloemhof en St Mary is albei met 3-0 afgeransel.
- In die eindstryd het Oranje se dogters koelkop gebly en Menlopark met 2-0 verslaan.
Sterre blink helder
- Dané Janse van Vuuren is aangewys as naasbeste doelwagter van die toernooi.
- Marichelle Crous deel die titel van gesamentlike naasbeste speler.
- Daniella Grobbelaar het haar plek as gesamentlike doelskieter van die toernooi verseker.
Met só ’n indrukwekkende rekord en ’n span wat elke wedstryd met trots en vasberadenheid aanpak, is dit duidelik. Oranje se hokkie is op ’n hoogtepunt, en die seisoen beloof nog baie glorie.
Meer Skolenuus: https://schoolsthatrock.co.za/
Become a Sponsor
