schoolsthatrock
SR: Hoofleiers aangekondig. Op Dinsdag, 21 Oktober, het Hoërskool Tygerberg ’n spesiale funksie aangebied waartydens die hoofleiers vir 2026 amptelik aangekondig is. Die geleentheid is bygewoon deur die nuutverkose Studenteverteenwoordigende Raad (SR). Ook hul trotse ouers, sowel as lede van die onderwyskorps was teenwoordig. Dit was ’n aand gevul met trots, opwinding en ’n gevoel van verwagting vir die jaar wat voorlê.
Met groot entoesiasme en waardering vir leierskap, is die volgende leerders as hoofleiers vir 2026 aangewys:
- Hoofleiers: Jobello Ezeh en Jane Hutton
- Onderhoofleiers: Ashwin February en Raissa Notyo
Hierdie vier leerders het reeds bewys dat hulle oor die karakter, toewyding en visie beskik om die skoolgemeenskap met integriteit en entoesiasme te dien. Hulle is gekies op grond van hul leierskapseienskappe, voorbeeldige gedrag, en die vertroue wat hul mede-leerders en onderwysers in hulle stel.
Die aanstelling van hoofleiers is nie net ’n eer nie. Dit is ook ’n verantwoordelikheid – een wat hierdie jong leiers met trots en ywer aanvaar het. Hulle sal in 2026 ’n belangrike rol speel in die bevordering van skoolgees. Hulle het ook die ondersteuning van hul medeleerders, en die verteenwoordiging van Hoërskool Tygerberg se waardes.
Tygerberg wens Jobello, Jane, Ashwin en Raissa alle sukses toe in hul nuwe rolle. Mag julle ’n impak maak wat lank onthou sal word. Mag julle leierskap ’n lig wees vir ander om te volg. Sterkte aan julle en die hele SR-span vir 2026 – die toekoms lyk blink!
Lees meer skolenuus hier: https://schoolsthatrock.co.za/
https://www.hstygerberg.co.za/
Foto’s verskaf
Become a Sponsor
