schoolsthatrock
Poort-bundel van 2024. Amé van Zyl, leerder van Hoërskool Stellenberg, se woordkuns skitter op nasionale vlak! Amé se besondere skryftalent is hierdie jaar met die publikasie van haar prosa (“My simfonie, my musiek”) in die Poort-bundel van 2024 beloon.
Hierdie bundel is ‘n samestelling van die beste poësie en prosa, geskryf deur hoërskoolleerders regoor Suid-Afrika. Dit word deur die Suid-Afrikaanse Akademie vir Wetenskap en Kuns gepubliseer. Slegs die topskryfstukke van leerders wat nasionaal teen mekaar kompteer word hier gepubliseer.
Amé is die Redakteur van Hoërskool Stellenberg se skoolkoerant, Res Novae. Verder het sy ook by die Akademiese Prysuitdeling met die toekenning van “Mees Tweetalige Leerder” weggestap.
Hoërskool Stellenberg wil ook dankie sê aan mevrou Lianne Smit wat die leerders se skryftalent by die Sentrum van Verrykende Leer se Stellenberg Skrywersgilde gekoester en geslyp het. Hier word geleentheid gegee aan ons talentvolle woordkunstenaars om hulle skryftalent met ander te deel en ook aan provinsiale en nasionale skryfkompetisies deel te neem.
Meer skolenuus: https://schoolsthatrock.co.za/
Foto verskaf
Become a Sponsor
