Agter: v.l.n.r.: Sybrand R van Dyk (OABS-Development toekenning: beste prestasie in LBP gr. 12 en US-landboustudiebeurs), Gustav en Henk Smit (Stefan Marais-trofee: uitnemendheid oor ? breë front) en Liam Louw (Dr. Galant-trofee: ambassadeurstrofee).
Voor: v.l.n.r.:Francois Delport en Jakobus du Preez (Fritz Grub-beker: netheid).
Afwesig: Armand Fourie (Jantjie Horn-trofee: spontaneïteit, hulpvaardigheid en vriendelikheid) en Jandré Nothnagel (Mutualbeker: Integriteit).
Die jaarlikse erkenningsgeleentheid van die Hoër Landbouskool Oakdale is op 3 Oktober in die Burgersentrum aangebied. Driehonderd leerders het akademiese toekennings ontvang. Aan honderd-een-en-sestig leerders is sporttoekennings vir provinsiale deelname gemaak terwyl 13 toekennings vir nasionale deelname toegeken is. Ses leerders het kultuur- en ander toekennings ontvang.
Die Senior Dux-leerder vir 2019 is Henk Smit met ‘n gemiddelde van 94.1 % en die Junior Dux-leerder Jaco Pienaar met ‘n gemiddelde van 87.2 %.
Corné Rahl se insluiting in die SA Skolerugbyspan het aan hom die Sportman van die Jaar toekenning besorg. Die Sportspan van die Jaar-toekenning gaan aan die 560 kg-toutrekspan.
Hoofleiers vir die Verteenwoordigende Raad van Leerders vir 2020 is Zander Raubenheimer as hoofseun en Wian Beetge as adjunkhoofseun.