schoolsthatrock
Nuwe Sporthoofde – Hoërskool Nelspruit spog met twee nuwe Sporthoofde vir atletiek en Hokkie. Hierdie twee dinamiese aanstellings gaan die sportprogram na nuwe hoogtes neem.
Me. Anica Cilliers is aangewys as die nuwe Sporthoof van NHS-atletiek. Ná jare van toewyding in die klaskamer, bring sy nou haar ware passie na die baan. Anica het in 2023 as ASA vlak 3-afrigter gekwalifiseer en haar sukses as afrigter het reeds landwyd erkenning gekry. In 2024 was sy deel van die spanbestuur wat Suid-Afrika by die BRICS Games in Rusland verteenwoordig het. Haar energie en entoesiasme beloof om die atletiekprogram met vars inspirasie te vul.
Intussen neem mnr. Anthony Ruschenbaum die leisels oor as Hoof van NHS-hokkie. Anthony het die afgelope twee jaar sy kundigheid as hokkiespesialis en video-analis by die seunshokkie-span gewys. Sy talent is ook internasionaal raakgesien. Hy is onlangs gekies as video-analis vir die Suid-Afrikaanse o/21-damesspan. Hulle gaan vanaf 1–13 Desember aan die FIH Junior Wêreldbeker in Santiago, Chili deelneem. Onder sy leiding sien die skool met groot verwagting uit na ’n kragtige hokkieseisoen.
Met hierdie twee aanstellings bevestig Hoërskool Nelspruit weer sy reputasie as ’n kragbron van sporttalent en afrigting. Die toekoms vir NHS-atletiek en -hokkie lyk blink!
Meer skolenuus: https://schoolsthatrock.co.za/
Foto’s voorsien
Become a Sponsor
