Noordwes Krieket. Die Hoërskool Rustenburg het geskitter by die Noordwes Krieket se jaarlikse toekennings.

Hierdie jaar se prysuitdeling was ‘n merkwaardige geleentheid wat die uitstaande prestasies van die beste spelers, spanne, skeidsregters en meer gevier het. RHS is baie trots op elke Rustie wat erken is by hierdie gesogte geleentheid wat deur Noordwes Krieket aangebied is.

Prestasies behaal:

Rustenburg Hoërskool: Kampioene van die Noordwes SA20.
Callie Fryer: Suid-Afrika onder 19 en onder 19 Cubs-verteenwoordiger.
Nathan Rossouw: Suid-Afrika onder 19 en onder 19 Cubs- verteenwoordiger. Nathan ontvang ook die toekening vir onder 19 Speler van die Jaar.
Marnus de Witt: Premier B-klubbouler van die Jaar.
Estiaan Schonfeldt: T20 Premier A-liga Speler van die Jaar en Kolwer van die Jaar. Daarbenewens het Estiaan by die plattelandse Provinsiale Krieket die Speler van die Jaar- en Kolwer van die Jaar-toekennings verwerf.
Stian Swanepoel: T20 Premier A-liga Bouler van die Jaar.
Impala Krieketklub: Promosiewenners en T20 Premier A Liga-kampioene.

Hoërskool Rustenburg is opgewonde om te sien wat die toekoms vir hul talentvolle spelers en spanne inhou.