Matriekuitslae 2023. Hoër Meisieskool Oranje van Bloemfontein het, met die Matriekuitslae 2023, weereens bewys dat hulle een van die top-skole in die Vrystaat is. Vier Oranjeniete bevind hulle onder die elite van die Vrystaatse matrieks van 2023. Dié 4-tal,Janke Pretorius, Heleen Hagemann, Carien de Wet en Lara Potgieter, het onder die voorste 50 leerders (uit ’n totaal van 34 451) in die provinsie geëindig.

Oranje se top 10 matrieks

Lara Potgieter: 96,1% met 9 A’s
Heleen Hagemann: 93,8% met 7 A’s
Carien de Wet: 92,5% met 7 A’s
Janke Pretorius: 89,8% met 6A’s
Carmien de Beer: 88,5% met 7 A’s
Nadine Heys: 88,4% met 8 A’s
Elizabeth Joubert:88,2% met7 A’s
Kayla Olivier: 88,1% met 8 A’s
Tanél Troskie: 88,1% met 7 A’s
Mienke Brummer: 87,4% met 6 A’s

Lara Potgieter is nommer 2 in die Vrystaat met ‘n gemiddeld van 96,1% en 9 onderskeidings! “Die eindeksamen was uitdagend, maar nie so erg soos almal altyd sê dit gaan wees nie. My gunsteling-vak was wiskunde, want my onnie was die beste in die wêreld. My toekomsdroom is om ons land ‘n beter plek te maak en só mense te kan help.” Aldus Lara. Verdere prestasies van Lara: haar gemiddeld is die 3de hoogste deur ‘n OMS-leerder sedert 2008 toe daar weggedoen is met bykomende punte in ekstra vakke. Net Chané Nel (96,5%) en Carmi van Niekerk (96,3%) in 2021 het sedertdien ‘n beter punt behaal!

Lara se vakprestasies: