schoolsthatrock
Karate Prestasies – Op 11 April het Alexa en Calum Meyer van Laerskool Truida Kestell aan die JKA Provinsiale Karate-toernooi in Harrismith deelgeneem. Hulle het nie net hul skool se naam hoog gehou nie, maar ook uitstekende karate-prestasies behaal. Alexa en Calum Meyer het gekwalifiseer vir die Nasionale Karate-toernooi. Hierdie trotse twee leerders sal later vanjaar aan die Nasionale Karate-toernooi in Johannesburg deelneem.
Hulle uitslae was as volg:
Alexa Meyer (blou gordel, meisies 9 jaar)
- Kata: goue medalje
- Kumite: goue medalje
- Vrye geveg: silwer medalje
Alexa het met haar tegniese vaardigheid en selfvertroue die beoordelaars beïndruk.
Calum Meyer (pers gordel, seuns 11 jaar)
- Kata: silwer medalje
- Kumite: silwer medalje
- Vrye geveg: silwer medalje
Calum het met sy vasberadenheid en deursettingsvermoë drie silwer medaljes verower. Hy het in elke afdeling sy beste gelewer. Hy het bewys dat hy ’n ware sportman is wat nooit moed opgee nie.
Hierdie prestasies is ’n groot inspirasie vir al Truidjies se leerders. Karate leer nie net selfverdediging nie, maar ook respek, dissipline en deursettingsvermoë. Truida Kestell is ongelooflik trots op Alexa en Calum en wens hulle alle sukses toe vir die komende nasionale toernooi.
Meer Skolenuus: https://schoolsthatrock.co.za/
Foto voorsien
Laerskool Truida Kestell is baie trots op twee leerders met hul karate-prestasies.
Become a Sponsor
