schoolsthatrock
ITF J60-Tennistoernooie. 🌟 Bloemhof Tennis vier uitmuntende prestasies!
Hoërskool Bloemhof, Stellenbosch, is trots om te deel dat Milla Kotze (gr. 12), Bloemhof se nommer 1-tennisspeler, onlangs nóg ’n merkwaardige mylpaal bereik het. Sy het aan twee agtereenvolgende ITF J60-toernooie in Durban deelgeneem en in beide as deel van die wen-duo die dubbeltrofee omhoog gehou!
- Week 1 – ITF J60 Durban: Enkels – rondte van 16 | Dubbels – Kampioen
- Week 2 – ITF J60 Durban: Enkels – rondte van 16 | Dubbels – Kampioen
Met hierdie prestasies het Milla haar indrukwekkende totaal tot sewe ITF-titels verhoog. Nog meer besonders: sy het tot nommer 485 op die wêreldranglys geklim – ’n fenomenale prestasie wat haar harde werk en toewyding weerspieël.
Milla is tans in Bloemfontein waar sy aan nóg ’n J60-toernooi deelneem, met ’n J100 wat daarna volg. Die kompetisie is uiters sterk, maar ons weet sy sal met dieselfde vasberadenheid en Bloemhof-gees haar beste gee.
Baie sterkte, Milla – Bloemhof staan agter jou elke stap van die pad!
Lees meer skolenuus hier: https://schoolsthatrock.co.za/
Foto verskaf
Become a Sponsor
