Groen- en Goudaand 2025 - Die Hoërskool Wonderboom

Groen- en Goudaand 2025. Spesiale Toekenning: Ere-Medalje vir Anke Vivier.

Die Groen- en Goudtoekennings is ’n jaarlikse viering van uitnemendheid in sport en kultuur by Die Hoërskool Wonderboom. Hoewel talle leerders elke jaar met toekennings vereer word, is daar soms prestasies wat só uitsonderlik is dat dit ’n spesiale erkenning verdien.

Vanjaar is daar besluit om ’n Ere-Medalje toe te ken aan ’n leerder wie se prestasie nog nooit tevore deur ’n “Wonnie” behaal is nie. Hierdie eer val te beurt aan Anke Vivier, ’n graad 9-leerder, wat vanjaar as vioolspeler gekeur is vir die Simfonia Juventi Jeugorkes — ’n gesogte ensemble wat sedert 1981 jaarliks slegs 100 jong musikante landswyd kies.

Die orkes het verskeie hoogstaande optredes gelewer, met die hoogtepunt ’n betowerende uitvoering in die Aula van die Universiteit van Pretoria voor ’n gehoor van meer as 1000 mense.

Hierdie prestasie is nie net merkwaardig nie, maar ook inspirerend — veral vir ’n jong leerder in graad 9. Die Ere-Medalje word met groot trots aan Anke Vivier oorhandig. 🎻

🏆 Trofee-Wenners 2025

Hier volg die volledige lys van trofee-wenners wat uitmuntendheid in hul onderskeie velde getoon het:

Rugby

Ruan Nortje Trofee – Beste Junior 7’s Rugbyspeler: Sibusiso Chipumuro
André Potgieter Trofee – Beste Senior 7’s Rugbyspeler: Darius van Loggerenberg
Dries Linde Trofee – Beste Junior Rugbyspeler: Matthew Hands
Janssen/Van der Merwe Trofee – Beste Senior Rugbyspeler: Carlo Schmahl

Atletiek & Landloop

Gawie Labuschagne Trofee – Atleet van die Jaar: Nathan Collins
Beste Junior Landloop Dogter: Sibusiso Chipumuro
Beste Junior Landloop Seun: Claudio de Sa
Patrick de Wet Trofee – Beste Senior Dogters Landloper: Alicia Broodryk
Louis van Rensburg Trofee – Beste Senior Seuns Landloper: Dylan Norval

Fietsry

Beste Junior Fietsryer: Garion du Plessis
Beste Senior Fietsryer: Zanté van Nieuwenhuizen (Afwesig)

Gholf

Beyers Brink Trofee – Beste Gholfspeler: Ayden Nell

Hokkie

Venter/Saaiman Trofee – Beste Junior Hokkiespeelster: Sinovuyo Sonandi
Van den Berg/Maxie Homes Trofee – Beste Senior Hokkiespeelster: Lee-Shey Botes

Jukskei

Hans Deetlefs Trofee – Beste Senior Dogters Jukskeispeler: Esrie Venter
Hans Deetlefs Trofee – Beste Senior Seuns Jukskeispeler: Marlo van den Berg

Krieket

Minnaar Wisseltrofee – Beste Dogters Krieketspeler: Mischon Pretorius
Maree Trofee – Beste Junior Krieketspeler: Nathan Collins
Arend du Preez Trofee – Beste Senior Seuns Krieketspeler: Carlo Schmahl

Netbal

Shrives Trofee – Beste Junior Netbalspeler: Abigail Lombard
Hefer Trofee – Beste Senior Netbalspeler: Hannah Bradfield

Redenaars

Ané van Wyk Trofee – Beste Afrikaanse Redenaar: Claudio de Sa
Ané van Wyk Trofee – Beste Engelse Redenaar: Claudio de Sa
Sanet Smith Trofee – Beste Tweetalige Redenaar: Claudio de Sa

Sagtebal

Leon D’Alton Trofee – Beste Junior Sagtebalspeler: Kyla Erasmus
Mitchu van Straaten Trofee – Beste Senior Sagtebalspeler: Kaylie Groenewald

Skaak

Karel Swanepoel Trofee – Beste Skaakspeler: Stefan Kruger

📝 Publikasie

Pennevrug Trofee – Beste Publikasie in Beide Tale: Claudio de Sa

Swem

Liese Boëttger Trofee – Beste Dogters Swemmer: Luché Greyling
Gustaf Boëtger Trofee – Beste Seuns Swemmer: Tiaan du Plessis

Tafeltennis

Ananda Naude Trofee – Beste Junior Tafeltennisspeler: Kyle Roesch
Ananda Naude Trofee – Beste Senior Tafeltennisspeler: Marlo van den Berg

Voordrag

Hannelie Groenewald Trofee – Beste Prestasie in Voordrag: Claudio de Sa

Kultuur

Du Plessis Wisseltrofee – Uitnemende Kultuurprestasie: Sharika van der Merwe

Laat ons saam feesvier oor die ongelooflike talent en toewyding van ons Wonnies. 💚

Pretoria se trots straal helder!

Die jaarlikse Groen- en Goudaand het weer eens die sterre van Hoërskool Wonderboom laat skitter. Hierdie geleentheid vier uitnemendheid in kultuur, sport, akademie en leierskap – en 2025 se wenners het die lat hoog gelê!

Hoogste Toekennings

Jacques Victor Trofee – Kultuur Buitemuurs MJ Saunders het twee goue medaljes gewen en is kategorie-wenner vir Opera en Broadway by die South African Championships of the Performing Arts. Sy is gekeur vir die wêreldspan wat SA in Nevada, VSA gaan verteenwoordig – ’n uitsonderlike prestasie!
Ettienne Nolte Trofee – Sport binne Skoolverband Esrie Venter het die O/19 SA-Jukskeispan verteenwoordig in Namibië en as uitblinker in die O/23-groep uitgeblink. ’n ware kampioen!
Pretorius Trofee – Sport buite Skoolverband Chante van der Merwe, Graad 11-skut, het die SA-kampioenskappe vir O/18s gewen en Protea-kleure ontvang. Sy het al 10 afdelings in teikenskiet gewen – vir die derde jaar in ’n ry!
Albert Morland Trofee – Kultuurleerder van die Jaar Claudio de Sa het ’n indrukwekkende kultuurportefeulje opgebou: van koor en musical tot redenaars en beeldende kuns. Hy het reeds Erekleure ontvang en vanjaar 6 trofeë verower.
Corlia Ludick Trofee – Sportvrou van die Jaar Niché van Wyk het aan ses sportsoorte deelgeneem – van jukskei tot gholf – en in elkeen uitgestaan. ’n toonbeeld van toewyding en talent.
Jan Cloete Trofee – Sportman van die Jaar Carlo Schmahl het in atletiek, rugby, swem en krieket uitgeblink. Hy is reeds Rugby- en Krieketspeler van die Jaar en verower vir die tweede keer die titel Sportman van die Jaar.

Versatilis Trofees – Veelsydige Sterre

Die Versatilis-toekenning word jaarliks toegeken aan Graad 10–12-leerders wat uitmuntende veelsydigheid toon oor alle fasette van die skoollewe. Kandidate moet aan die volgende vereistes voldoen:

Aktiewe deelname aan sport én kultuur
Betrokkenheid by dienslewering en leierskap
’n Minimum akademiese gemiddeld van 75% (jaarpunt)

Leerders doen jaarliks self aansoek om oorweging.

Tharina de Beer Trofee – Versatilis Leerder: Graad 10 Zoé Stolz

Akademie: Gemiddeld van 87,82% met ses onderskeidings.

Sportprestasies:

Kaptein van die O/16 Jukskei-span; aangewys as speler met die beste vordering
Lid van die Interhoër-swemspan; ontvang silwer spantoekenning
Lid van die O/16B Netbalspan; ontvang silwer spantoekenning

Kultuurprestasies:

Public Speaking: Deelname aan ses erkende kompetisies; A+ gemiddeld; semi-finalis by Bold International Eisteddfod; silwer spantoekenning en Erekleure
Musical: Hoofrol in die jaarlikse produksie
Voordrag en Toneel: Goud tydens Centurion Kunswedstryd
Redenaars: Deelname aan ses erkende kompetisies; silwer spantoekenning en Halfkleure
Deelname aan die skool se jaarlikse dramaproduksie by Unisa Kleinteater

Dienslewering en Leierskap: