Gordon Monk Sagtebal toernooi. 🎉 Hoërskool Pretoria-Noord vier trots!

Hoërskool Pretoria-Noord is verheug om aan te kondig dat ’n aantal van hul uitmuntende leerders én personeel gekies is om Gauteng-Noord te verteenwoordig by die 46ste Gordon Monk Sagtebal toernooi. Die toernooi vind plaas in Januarie 2026. Hierdie toernooi is een van die hoogtepunte op die jaarlikse sportkalender. Dit bied ’n geleentheid vir spelers om hul talent op nasionale vlak te wys.

🌟 Die Sterre wat gekies is:

Ladies Green Sox: Amorey Wallendorf
Ladies Yellow Sox: Yolandi van der Merwe
Men’s White Sox: Mnr JP Pienaar, Mnr Keandre Lotter, Jayden Neethling
Men’s Blue Sox: Arno Schreuder, Donovan Wallendorf
Men’s Red Sox: JG van Niekerk, Nathan Oosthuizen
Men’s Green Sox: Raynard Bosman

Hierdie prestasie is nie net ’n erkenning van individuele talent nie. Dit is ook ’n bewys van die harde werk, toewyding en span-gees wat by Hoërskool Pretoria-Noord gekoester word. Om gekies te word vir die Gordon Monk-toernooi is ’n eer wat min te beurt val. Die skool is ongelooflik trots dat soveel van ons spelers en personeel hierdie mylpaal bereik het.

PNHS Trots

PNHS glo dat elkeen van julle die naam van die skool met waardigheid en trots gaan uitdra. Julle is rolmodelle vir die jonger leerders en ’n inspirasie vir die hele gemeenskap. Mag julle die toernooi geniet, nuwe vriendskappe bou en die wêreld wys waar PNHS vandaan kom!