schoolsthatrock
Finsbury krieketliga. Die Finsbury krieketliga het Vrydag, 17 Januarie, afgeskop met Hoërskool Nelspruit se eerstespan wat hul eerste tuiswedstryd teen Hoërskool Waterkloof van Pretoria gespeel het.
NHS se kaptein, Vaughn van Zyl, het die loot gewen en besluit om Waterkloof eerste te laat kolf. Waterkloof is beperk tot 180 lopies, danksy Safwaan Miller (4vir34), Gerdu van Eden (3 vir 18), asook uitstekende veldwerk deur die tuisspan.
In hul kolfbeurt het NHS egter gesukkel om die teiken te bereik en het uiteindelik 42 lopies benodig vir ‘n oorwinning. John Duncan het met 37 lopies van 53 balle uitgeblink as die beste kolwer vir die Nelspruit.
Met die geleentheid het Jason Knoetze en Luan Siebrits ook hul eerstespan-pette met trots ontvang.
Meer skolenuus: https://schoolsthatrock.co.za/
Foto’s verskaf
Become a Sponsor
