schoolsthatrock
Fichies Krieket. Stian Kruger blink uit – verkies tot “Dream Team of the Week”!
Hoërskool Fichardtpark is trots om aan te kondig dat Stian Kruger, ’n sleutelspeler in hul 1ste krieketspan, onlangs tot die gesogte “Dream Team of the Week” verkies is. Hierdie eer word slegs aan die uitblinkers van die week se wedstryde toegeken. Stian het met sy indrukwekkende prestasie sy plek dubbel en dwars verdien.
Met syfers wat die derde beste van al die spelers was, het Stian nie net sy tegniese vaardigheid gewys nie, maar ook sy toewyding, deursettingsvermoë en sportmangees. Sy bydrae op die veld het ’n groot rol gespeel in die span se sukses en is ’n inspirasie vir sy spanmaats en jonger spelers in die skool.
“Baie geluk, Stian! Ons is ongelooflik trots op jou en sien uit na nog vele hoogtepunte in jou krieketloopbaan. Hou aan om die Fichies-vlag hoog te laat waai!”
Lees meer skolenuus hier: https://schoolsthatrock.co.za/
Foto verskaf
Become a Sponsor
