schoolsthatrock
Vrystaat Arende Rugbyspan. Dubbel Trots vir Hoërskool Fichardtpark: Twee Senters Skitter by VKB Rugbyweek.
Hoërskool Fichardtpark in Bloemfontein het rede om trots te wees! Twee van hul eerstespan-senters, Devan Maartens en JM Rensburg, het nie net hul staal gewys in die Vrystaat Arende Rugbyspan nie, maar ook hul plek tussen Suid-Afrika se top jong talent bevestig.
Die dinamiese duo was sleutel-lede van die Vrystaat Arende-span wat onlangs as kampioene van die VKB Rugbyweek gekroon is. Op hul pad na glorie het die Arende eers Namibië en toe die Sharks oortuigend geklop. In ’n spanningsvolle eindstryd het hulle die Griffons getroef om die trofee huis-toe te bring.
Asof dit nie genoeg is nie, is beide Maartens en Rensburg ook opgeneem in die SA VKB Sewes-toerspan wat later vanjaar na Dubai sal vertrek. ’n Uitsonderlike prestasie wat hul talent en toewyding beklemtoon.
’n Spesiale gelukwensing aan Devan Maartens, wat in die eindstryd as Speler van die Wedstryd aangewys is – ’n welverdiende erkenning vir ’n speler wat regtig sy merk gemaak het.
Fichardtpark se rugbytoekoms lyk blink met sulke sterre in hul geledere. Baie geluk aan hierdie twee jong manne – julle maak Bloemfontein trots!
Lees meer skolenuus hier: https://schoolsthatrock.co.za/
Foto verskaf
Become a Sponsor
