Eerste o.18 Tennisspan – Hoër Meisieskool Oranje het hul Eerste o.18 Tennisspan vir 2025 Woensdag tydens die saal-opening bekend gestel.

Daar is twee nuwelinge in die Eerste o.18 Tennisspan. Hulle is Lika Claassens en Mandie Claassens. Die span bestaan uit: twee graad 8’s, twee graad 11’s en drie graad 12’s.

Dis die 1ste keer sedert 2015 (Linge Steenkamp en Carmen Fichardt) dat daar twee graad 8 leerders in die span is.

Mandie Claassens en Lika Claassens is sedert 2010 die tiende en elfde speler wat in graad 8 vir die eerste o.18 Tennisspan gekies is. Voor hulle was Cara le Grange (2023), Donna le Roux (2021), Liné Greyling (2018), Christine Kruger (2017), Carmen Fichardt (2015), Linge Steenkamp (2015), Lize Moolman (2012), Louise-Maré Botes (2011) en Huibré-Maré Botes (2011).

Donna le Roux, Mandie Claassens, Lika Claassens en Nestine van Rooyen het almal die afgelope jaar SA-tennisspanne gehaal.

Zané Volschenk en Donna le Roux het vanaf graad 1 tot graad 5 jaarliks saam in Oranje Primêr se netbal- en hokkie A-spanne gespeel.

Die span word vanjaar deur mnr. Hendri Steyn afgerig. Hy rig tennis die afgelope paar jaar by Oranje af.