ECHS Hokkietoernooi - Primêre Meisieskool Oranje skitter

ECHS Hokkietoernooi. 🏑 Oranje se jong hokkie-sterre skitter by ECHS-toernooi!

Primêre Meisieskool Oranje in Bloemfontein se o.12A en -B, asook o.13A en -B hokkiespanne het tydens die vakansie hul staal gewys tydens die ECHS hokkietoernooi. Hulle het dit met flair, vasberadenheid en ongelooflike spanwerk aangepak!

Elke span het uitstekende hokkie gespeel en het hul goed voorberei vir die opkomende liga. Die uitslae spreek boekdele:

🏆 O.12A – Kampioene van die toernooi en trotse houers van die beker. O.12B – ’n indrukwekkende derde plek. 🏆 O.13A – Toernooiwenners en bekeroorwinnaars! O.13B – Sterk vertoning met ’n derde plek.

Individuele toekennings wat trots aan ons Oranje-hokkie-heldinne toegeken is:

Festa van der Berg – o.12 verdediger van die toernooi
Ruby Schutte – o.12 voorspeler van die toernooi
Gabi Forster – o.13A middelveldspeler van die toernooi
Emma Myburgh – o.13A verdediger van die toernooi
Kaylin Hanekom – o.13A speler van die toernooi
Ella von Viegen – o.13B middelveldspeler van die toernooi

🎉 Baie geluk aan elke hokkie-Eendjie. Julle is ’n bron van trots en inspirasie! Oranje staan saam met julle in jul oorwinnings en vier elke treffer, elke ‘tackle’, en elke glorieryke oomblik.