"Dinge van 'n Skoolkind" - Hoërskool Strand

“Dinge van ‘n Skoolkind” – Agt leerders van Hoërskool Strand het ‘n werkswinkel drama “Dinge van ‘n Skoolkind” bygewoon. Daar kon hulle hul eie stories vertel. Die leerders wat dit bygewoon het is:

Regenine Daars
Dornel Fortuin
Mia Myburgh
Nathan Nel
Tarrin September
Kayden Shand
Mia Strydom
Lee-Ann Taljaard

Die stuk het in die perfekte skool, Hoërskool Eksieperfeksie, plaasgevind en die stories van agt leerders is gevolg.

Hulle eerste fees was die Allegretto Toneelfees op 10 Julie. Dit was ‘n uitdaging aangesien die vertoning virtueel opgeneem moes word weens die erge weers-omstandighede. Danksy Gereard Schneider se knap verhoogbestuur het die span op hul eie verhoog opgetree. Dit is egter in Muizenberg beoordeel.

Die toneelspan het ‘n groot verskeidenheid van toekennings ontvang. Franko Stevens ontvang Goud vir die Choreografie van die toneelstuk “Dinge van ‘n Skoolkind”. Franco is ook as die Beste Choreograaf in die Wes-Kaap aangewys. Die produksie behaal ‘n derde plek in die provinsie.

Op 24 Julie is die toneelspan na die Parel Vallei Toneelfees. Daar behaal hulle brons. Op 5 Augustus neem hulle deel aan die Klein Libertas Toneelfees by Drostdy Teater in Stellenbosch. Hulle wen daar ook brons. Lee-Ann Taljaard en Nathan Nel ontvang altwee ‘n silwer toekenning vir hulle toneelspel.

Dit was ‘n lang, maar wonderlike reis vir almal wat bygedra het om van hierdié so ‘n spesiale produksie te maak.