schoolsthatrockJunior ATKV Debatspan. Hoërskool Nelspruit se Junior ATKV debatspan het tydens die afgelope naweek se Noordwes-Vrystaat-Limpopo-Mpumalanga semifinaal as die wenners van die rondte uit die stryd getree.
Alissa van Niekerk, Marné Pretorius en Ude van Veenhuyzen, Graad 9 leerders, het as teenstanders teen Hoërskool Rustenburg geargumenteer dat skoolsport nie afgeskaf behoort te word nie. Met die oorwinning dring hulle deur na die ATKV se Debatsfinaal wat op 15 Augustus by ATKV-Klein-Kariba gehou word.
Nog twee junior Nellie-spanne het ook onder die top 10 van die semifinaal geëindig. Ruan Kruger, Simoné Myburgh, albei in graad 8, en Ian Macdonald in graad 9 het in die sesde plek op die top 10 gelê, met die meisiespan, Ruby Coetzee (graad agt), Anika van Staden (graad 9) en Shayna Lea (graad agt) in die sewende plek.
Die twee senior spanne het ook onder die top 10 geëindig. Zoe Coetzee (graad 11) en Brenton Eastes (graad 12) het net-net uitgeval in die vyfde plek. Kirsten Lea en Nina Prinsloo, albei in graad 11, het hul debat teen C&N Sekondêre Meisieskool Oranje gewen. Advokaat Maritza Uys is die afrigter van al hierdie spanne.
Meer skolenuus: https://schoolsthatrock.co.za
Foto verskaf
Become a Sponsor
