The Addams Family. Paul Roos Gimnasium is nie nét bekend vir sy sport en akademiese prestasies nie. Die skool spog ook met indrukwekkkende jaarlikse kulturele aanbiedings. Talentvolle seuns word die geleentheid gebied om hul vaardighede op die verhoog of agter die skerms te slyp. Die populêre PRG Musiekfees is maar een voorbeeld van ‘n kulturele aangeleentheid. Dit word as ‘n hoogtepunt in vele Stellenbossers se sosiale kalender geag. Buiten gereelde musiekkonserte, skroom Paul Roos se musiekdepartement nie om bekende musiekblyspelle aan te pak nie. Hul mees onlangse musiekblyspel was “The Little Shop of Horrors”. Dit het musiekliefhebbers en -teaterkenners diep beïndruk. In 2023 sien Paul Roos Gimnasium veral uit na hul samewerking met die Universiteit van Stellenbosch se Dramadepartement.
Vir die eerste keer in die geskiedenis van Paul Roos en US Drama, sal dié sekondêre en tersiêre instellings saam ‘n projek aanpak. Dit sal die eerste grootskaalse musiekblyspel wees wat in die nuut-opgegradeerde Adam Small Teater opgevoer word. Die samewerking maak dit vir Paul Roos leerders moontlik om die verhoog met dramastudente te deel, direksie van ‘n professionele akteur/regisseur én vervaardiger (onder die wakende hand van professionele tegnici) te ontvang. Paul Roos se kreatiewes sien veral uit om in dié professionele ouditorium te kan optree waar hulle verseker is van indrukwekkende dekor, beligting en klank.
Chaotiese teatrale ervaring
Teaterliefhebbers kan uitsien om weggevoer te word na die fassinerende wêreld van die Addams Family. Dié Amerikaans-gotiese gunsteling, soos ook onlangs aangevuur deur Netflix se populêre ‘Wednesday’, word beskou as ‘n wild-wonderlike, heerlik-verskriklike, magies-onheilspellende en chaotiese teatrale ervaring.
In dié weergawe van “The Addams Family” – die Musiekblyspel – raak Wednesday verlief op ‘n jong man van ‘n gerespekteerde Ohio-familie. Hy dring daarop aan om by die Addams-familie te kom kuier. Gomez Addams (Wednesday se vader) moet iets doen wat hy nog nooit voorheen gedoen het nie – hy moet ‘n groot geheim hou, en gevolglik die waarheid van sy geliefde vrou, Morticia, weerhou. Die aand ontvou soos dié twee uiteenlopende families mekaar vir aandete ontmoet.
Die vertoning vind tussen 22 Augustus en 2 September by die Adam Small Teater plaas. Kaartjies kos R155 per persoon en kan alreeds by Quicket aangekoop word. Studente sal die geleentheid geniet om op aangewese aande hulself in Addams Family-kostuums op te dos. Bes-geklede gehoorlede sal teaterkaartjies vir opkomende produksies by die Adam Small Teater losslaan. Hoërskole word ook uitgenooi om by te woon. Vir meer inligting, besoek https://qkt.io/lBhzQG.
The Addams Family
Paul Roos Gymnasium is not only known for its sport and academic achievements. The school also boasts impressive annual cultural presentations. Talented boys are also offered the opportunity to hone their skills on stage or behind the scenes. The popular PRG Music Festival is but one example of a cultural affair. It is regarded as a highlight in many Stellenbosch residents’ social calendars. Apart from regular music concerts, Paul Roos’ music department does not hesitate to tackle well-known musicals. Their most recent musical was “The Little Shop of Horrors”. This deeply impressed music lovers and theatre experts. In 2023, Paul Roos Gymnasium is especially looking forward to their collaboration with the University of Stellenbosch’s Drama Department.
For the first time in the history of Paul Roos and US Drama, these secondary and tertiary institutions will embark on a project together. It will be the first large-scale musical to be performed at the newly upgraded Adam Small Theatre. The collaboration makes it possible for Paul Roos learners to share the stage with drama students, receive board of directors from a professional actor/director and producer (under the watchful hand of professional technicians). Paul Roos’ creatives are especially looking forward to performing in this professional auditorium where they are assured of impressive décor, lighting and sound.
Chaotic theatrical experience
Theatre lovers can look forward to getting carried away into the fascinating world of the Addams Family. This American-gothic favourite, as also recently fuelled by Netflix’s popular “Wednesday,” is billed as a wildly wonderful, delightfully terrible, magical-ominous, and chaotic theatrical experience.
In that version of “The Addams Family” — the Musical — Wednesday falls in love with a young man from a respected Ohio family. He insists on visiting the Addams family. Gomez Addams (Wednesday’s father) must also do something he’s never done before – he must keep a big secret, and consequently withhold the truth from his beloved wife, Morticia. The evening unfolds as the two disparate families meet for dinner.
The show will take place at the Adam Small Theatre between August 22 and September 2. Tickets cost R155 per person and can already be purchased from Quicket. Students will also enjoy the opportunity to dress themselves up in Addams Family costumes on designated evenings. Best-dressed audience members will also redeem theatre tickets for upcoming productions at the Adam Small Theatre. High schools are also invited to attend. For more information, visit https://qkt.io/lBhzQG.
Meer skolenuus: https://schoolsthatrock.co.za
Foto verskaf